للأسف بعد ما فرحنا بالملعب إلّي تعمل في المنزه، السلة إلّي كانت موجودة فيه لهواة لعبة كرة السلة تهزت ومالقيناهاش..أولا السلة تعملت قصيرة تقريبا زوز ميترو لأنو فكّرنا في الوليدات الصغار إلّي موجودين بأعداد محترمة في المنطقة وفكرنا في الأولاد والبنات الصغار خاطر الأرقام إلي عندنا أظهرت انو فمّة تراجع كبير في نسبة ممارسة الرياضة من قبل الأطفال.ثانيا أعتقد أنّو من المفروض حتى في حالة سقوط السلة بسبب الاستعمال أو غيرو تقعد في مكانها ويتولى أعوان الحي الوطني الرياضي مهمة تثبيتها من جديد باش تتواصل الاستفادة من هالمنشأة الرياضية إلي لاحظنا إقبال كبير عليها.على كل إن شاء الله يتم وضع سلّة جديدة ولكن للأسف المرة هذي باش تكون على علو أكبر .تأكّدوا أنو الفضاءات الرياضية راهي متاعكم وراهو جاء الوقت باش نلقاوا في كل حي ملعب لممارسة اختصاصات رياضية مختلفة هذا علاش يلزم نحافظوا على منشآتنا مكاسبنا ونحميوها من أعمال النهب والتخريب…
