في تدوينة على صفحتها الخاصة كتبت شهرزاد عكاشة : " ما انجمش ما نحكيش على فيلم اليوم و الفضيحة اللي صارت و اللي خرج فيها سيف مخلوف بطل .. يا سيدي سي سيف مُتفق معه بش يسلم روحو و مشى بش يسلم روحو كما هو متفق عليه، ياخي جات العناصر الامنية متع سي سامي الهيشري و عملوا الفيلم هذاك متع الاختطاف ياخي المحكمة طلبت جلبه فورا ، و بالطبيعة ائتلاف الكرامة متوقعين الحكاية و قعدوا بش يصوروا و هانا شفنا الفيديوات. النتيجة شنوا ؟؟؟. سيف مخلوف بسبب الفيلم متع اعوان سامي الهيشري طلع بطل و مختطف في حين ان اللمر كان منظم مسبقا. لصالح شكون سي سامي الshow اللي صار ؟؟؟ لصالح الرئيس ؟؟؟؟ لا طبعا لانك طلعتوا كعبة لا .. ثم اصلا انت اش دخلك ؟ مع شكون نسقت ؟؟؟ طول عمرها المحكمة العسكرية تتعامل مع الحرس الوطني .. بدات اوراق التوت تطيح … و كان مشيت تلهيت بتصاعد نسق الجريمة كان خيرلك .. اه حقه شبيهم جماعتك ركحوا ؟؟"