يا سيدي متفقين يلزم نشدوا الفسّاد ونحشيوهم في الحبس على خاطر خربوا البلاد وهلكوا العباد …تبييض الفلوس وتسويد الوجوه وبناء القصور والبيسينات والمواطن مسكين يطلع في االروح …باهي ومعقول ويرحم والديك يا سي الشاهد ولكن: يا شهاد وخي ياخي السلعة تخرج وحدها مالديوانة ؟ ياخي الاوراق تتصحح وحدها ؟ والاعوان الى طفاو الضو موش عندهم اعراف وصاوهم والاعراف موش فوقهم مسؤولين كبار خذاو بايهم ؟؟ والمسؤولين الكبار موش فوقهم شكون اكبر ؟؟ تبعوا الغرزة تو تعرفوا كل شيء ثبتوا املاكهم واملاك صغارهم ونساهم وتو تعرف ها شاهد وخي المصيبة وين ؟؟ شي الشاهد انت عملت كيف الّي قص ذيل اللفعة وسيبها …ايامات ويركبلها ذيل اخر …الفساد يا سيدي بن سيدي سلسلة مترابطة وانت شديت حلقة وسيبت البقية ….معناها ما عملنا شيء