يا والله حوال ويا والله فضايح …البونية تخيط في قلب مجلس الشعب ..اللغة الجديدة الي يفهمها الكل نوابا وشعبا هي لغة البونية والذراع الموشم …محلاه منظر ..نائب محترم ينحي الفيستة ويدورها طريح كاتش …علاش هذا الكل ؟ ثمة حاجة تستاهل الواحد يطيخ قدرو ؟ والله مسكين الشعب الي حط فيهم ثيقتو وعمل عليهم باش يصلحولو احوالو ….طلعو هوما يلزمهم يتصلحو …بالسياسة والا بطريحة نباش القبور يلزمهم يتصلحو ….الفلوس وخذاوها ….الزيادة وعطيناهم …الماكلة وحسنّاها …اما يا سادة يا نواب الاخلاق ماهياش بيدينا …وما نجموش نوفروهالكم …على خاطرها ما تتباعش …هي رباية …هو اصلا الاخلاق ما تركبش على البعض منكم …اتقوا الله في الشعب راهي دعوة رمضان توصل للسماء