الكاتبة العامة للجامعة العامة للمهن والخدمات حياة الطرابلسي في تعليق لها على الفايسبوك حول تأجيل اضراب العاملين في محطات البنزين ، كلام في الصميم : أيا سيدي ماكم تقولوا اتحاد غير مسؤول ماهوش وطني ما يحبش البلاد أيا شدو عندكم في محطات الوقود عملنا جلسة البارحة وماتوصلنا لشيء واليوم جلسة أخرى وكيف كيف مع العلم أن الإضراب تأجل مرتين في أوت وتوا في سبتمبر وأصحاب المحطات غير مبالين شوف الفوارق إلى خدام المزمر يستني عام تو في الزيادة وصابر وأصحاب المحطات ما صبروش أسبوع حتى الدولة تعطي هامش الربح واليوم حبوا نوصلوا للإضراب تتسكر البلاد مايلقاش المواطن باش يعبي كرهبتو ويبدأ السبان في الاتحاد وقياداتو أيا سيدي مناش باش نعملوه الإضراب ماخذينا حتى شىء لكن احنا وطنين ونحب بلادنا مستعدين نضحوا على خاطرها بكل شىء حتى بأولادنا والرأي العام انحبوه يفهم كلامنا هذا.