هيكل سوسيوس … هذا الهيكل الذي بعث من اجل دعم النادي الصفاقسي اساسا ، و لو بطريقة غير مباشرة اصبح هيكلا "غامضا" اين سوسيوس في ظل الازمة الحالية المالية للنادي الصفاقسي؟ هيكل عام الجاي يعمل 10 سنين ، الفلوس الي يلمدها وين ماشية؟ السؤال هذا تسأله القائمين على الهيكل و الا المقربين يقلك ماكش سوسيوس ما عندكش حق تعرف ؛ مواصلة في سياسة الفشل الذريع في التواصل مع الغير و تنفير الناس في الانخراط معاهم، باعتبارهم يحبو فلوسك و ما يحبوكش تكون معاهم تجي لارض الواقع تلقاهم مازالو يحكيو على الكار الى يومنا هذا … مازالو يحكيو على خلاص القسط الثاني متاع البانو لاد و مازالو يحكيو على صيانة المركب من وقتها ما شفنا حتى شيء تزاد للنادي الصفاقسي المفروض في 10 سنين النادي الصفاقسي المفروض عنده سلسلة مقاهي و مركبات رياضية و بوتيك كبيرة تدخل الفلوس القائمين على الهيكل هذا يحبذو الاجتماعات و اللمات و القعدات (هاك علاش تعمل مكتب تونس العاصمة) و رئيسهم الجديد ما ينجم يعاون النادي بحتى فرنك هيكل حاد عن المبدأ الي بعث من أجله و الجماعة عاجبتهم الحكاية … ما فماش نية تغيير كيفاش تحب تزيد ناس و تزيد عدد منخرطين في هيكل موش واضح و ما تعرفش الفلوس وين ماشية … بالطبيعة ماهمش باش يقدمو على 7000 … اصلا اذا كانو بالحق 7000 منخرط