شبّه وزير تكنولوجيا الاتصال والاقتصاد الرقمي نعمان الفهري الوضعية التي تعيشها البلاد بحالة مريض ثابر وداوم حتى تحقق الشفاء بفضل المثابرة والصبر والعزيمة. ودون الوزير على صفحته على شبكة التواصل الاجتماعي أن "تونس يلزم تكون( و باش تكون ) كيما السيد اللي شفتو اليوم الصباح"، وتابع الفهري"صباح الخير، اليوم الصباح بكري تمشيت شويا على الكرنيش في قربة قبل ما نمشي نخدم. شفت راجل في الستين تقريبا يعمل في مشية سريعة ( في نص مشية نص تهرويلة). إتذكرتو توا 4 و إلا 5 شهور التالي ،هو إنسان صارتلو"AVC"و أصبح نصفو معاق ، كان يمشي بزوز عكاكز و بالسيف باش يتحرك، و كان اللي يشوفو قلبو يوجعو و يسخف عليه. لكن بالنصيحة الصحية من دكتور مختص، و بالعزيمة، و الخدمة و المثابرة يوما بعد يوم ، تبارك الله عليه رجع في فورمة و ولا يدمدم... و حديثنا قياس، هذاك آش يلزم لتونس ، لا أكثر و لا أقل " وفق قوله. وقد رافقت التدوينة العديد من التعاليق المختلفة.