قال رئيس الحكومة إلياس الفخفاخ في كلمته خلال الجلسة العامة المخصصة للحوار مع الحكومة، أن الحكومة انطلقت في عملها بارادة صادقة وقادت معركة ضد جائحة كورونا وانتصرت عليها، والتاريخ سيذكر لها ذلك ، وفق قوله. واعتبر الفخفاخ ان ما قاد الحكومة إلى النجاح هو تعاون كل مؤسسات الدولة وكذلك البرلمان، مؤكدا أن تونس اليوم من بين الدول التي تغلبت على جائحة كورونا باقل الأضرار. وأضاف الفخفاخ "الشعب التونسي التزم وتعب وقعد في دارو واحترم حكومتو وخاف على روحو وبلادو وجزء تحرك وعاون.. فما جزء خرج باش يجيب القوت لأولادو .. ولمجابهة كورونا أحدثنا قاعة عمليات، هيئة علمية، هدفنا الأول كان حماية صحة المواطنين والهدف الثاني هو أن لا يبقى أيّ تونسي أو تونسية دون سند والهدف الثالث هو العمل على عدم إضاعة أو فقدان أيّ موطن شغل، والهدف الرابع التوانسة الي عالقين بالخارج وعدناهم باش نروحو بيهم وروحنا باكثر من 25 الف تونسي وروحنا بيهم وسكنا أكثر من 16 ألف تونسي بصفة مجانية .. وهذا تحقق بفضل جهود الحكومة وكل الشعب التونسي. اليوم مازال لنا تحد أخير هو فتح الحدود وقبل بلدان العالم الكل خذينا موعد ومنستناوش والأمور مازالت تحت السيطرة بالتدرج وانشاءالله نحلو الحدود ونواكبو ونطوروا واخذنا بروتوكول ونجدد فيه نعتز الشعب التونسي كيف تتحك الركب المعارك الكبرى ما تخوفوش.. نشكر كل من ساهم في نجاح المعركة على قريب باش نقول هرمنا من أجل هذه اللحظة ".
وتطرق الفخفاخ إلى موضوع شركته التي أثارت ضجة واسعة على مدى الأيام الماضية بقوله" الوزير او النائب او المسؤول في الدولة من حقوا كيف يكون خارج المسؤولية ان يستثمر وينمي ثروتو، حاجتنا بعباد تغامر تستثمر وماتشريش دار، كيفي انا تكسر راسها باش تحاول تنمي وهي خارج المسؤولية .. كنت نترأس شركة في 2009 .. وفي 2015وامنت واستثمرت مع اصدقائي في 3 مشاريع وأقنعت مستثمر اجنبي باش يجي يستثمر معايا رغم الظروف في 2015 واستثمرت في تثمين النفايات والي هي ما تتعامل الا مع الدولة .. ويمكن التثبت من مدى احترام هذه المؤسسات الى القانون.. أنا ننتمي لحزب منذ 2011 .. الكرسي ليس هدفا في حدّ ذاته وإنما هو وسيلة لتحقيق غاية وهي النهوض بتونس.. وشاركت في الانتخابات الرئاسية وماصوتوش برشا عباد وشاءت الاقدار اختياري من رئيس الجمهورية، عمري ماكنت نتصور، كنت نقوم بتنمية مشاريعي ولم يكن من السهل بناء استثمار في تونس وهذا عشتو وهذا يخليني نعرف مناش تعاني المؤسسة... جاءتني المسؤولية موش انا مشيتلها وسألت اهل الذكر ماذا يطلبه مني القانون قالولي التصريح بجميع مكاسبك ونحن في دولة القانون والمؤسسات وحطيت بالتدقيق الممل كله موجود موش في العلن قلتو للمؤسسة المعنية .. نشوف في بطولات اكتشفنا شنوة الاكتشاف الرهيب .. انا وكل الطاقم الحكومي يوم اداء اليمين 27 فيفري الكل عملوا التصريح في الهيئة الوطنية لمكافحة الفساد. يوم 15 أفريل قمت بعملية التخلي لدى خبير محاسب وتم توجيهه لرئيس الهيئة ". وفي سياق متصل كشف الفخفاخ انه سيتقدم بمبادرة تشريعية يوم الخميس القادم لتوضيح اللبس فيما يتعلق بالفصل 20 المتعلق بتضارب المصالح. موضحا" رئيس هيئة مكافحة الفساد يدعمنا في رفع كل لبس عن الفصل 20 من قانون تضارب المصالح والاثراء الغير مشروع.. أنا جاي نخدم في البلاد هذي.. قررت طوعيا باش نتخلى عن اسهمي في الشركة، وقررت ذلك للتقليص من التشويه، ونقول لمن يريد ان يضرب مصداقيتي نقوللهم يبطى شوية.. واذا لقيتو حاجة انا نستقيل"
