بقلم / منجي باكير سبيطارْ الهانة ، أيّ سبيطار جااامعي ، أيّ سبيطارْ بهذا الحجم و هو أغلب الوقت لا فيه IRM و لا سكانار ْ و لا ECHO ؟؟؟ أكيد في الأمر سرّ خصوصا إذا نعرفوا أن هناك - تداخل - بين الخاصّ و العمومي في مجال الكادر الطبّي و الشبه الطبّي ، يعني يخدموا هنا و هناك .....سبيطار مواعيد العمليات بالعام و العيادات بالسنين ، حركة المرور حابسة اكثر اوقات النهار و التعطيلات صارت بالساعات ، مشاريع بسرعة السلحفاة ، حافلات لا تستجيب لا لمواعيدها و لا لمصالح المواطنين تاكسيات - فرعنوا و جنّحوا - في الكياسات ، يخدموا على كيفهم و يعمروا كراهبهم بالغاز المدعّم وين يحبوا و وقت ما يحبوا لا يقدروا ممنوع و لا خطر ، خطر - الغول القاتل - السياب مازال محدقا و هو يزيد مع كل يوم ، صفاقس هي المدينة الساحلية الوحيدة التي لا يرى فيها زائرها البحر أبدا ما بقي ! ،،، بيئة ملوثة ، ضجيج ، أدخنة ، مزابل ، انتصاب فوضوي ... بالمناسبة وين إذاعة صفاقس من هذا وين - إذاعة للجميع - و للمواطن ،، و ين إذاعة صفاقس - عشرة دايمة - كيف تسكت على هكّاذا حوايج خطيرة جدا تمسّ المواطن و ما تتكلّمش راهو هذا يدخل في باب الإخلال بالعشرة !!!