في تدوينة على صفحته الخاصة قال رئيس حزب آفاق تونس ياسين ابراهيم : أن " استقالة فاضل عبد الكافي في ها الظرف الصعيب اللي يعيشو اقتصاد البلاد واحنا قادمين على مناقشة ميزانية 2018 وفِي الوقت اللي المالية العمومية تمر بفترة من اصعب الفترات اللي عرفتها بلادنا، ضربة قاسية للحكومة . ملا منظومة عندنا، تعين وزير في أوت 2016 ولا واحد جبد القضية هذي اللي موجودة منذ 2014 ؟ محكوم عليه و نفيقًوا بالحكاية توا صدفة؟ في سبتمبر باش يتعدى قدام القضاء اللي عنا ثقة إنّو باش ينصفو في حكاية أمي سيسي اللي خرجولوا بيها الجماعة اللي بداوا يتقلقوا برشة من الخدمة متاعوا واللي حاجتهم بالوزارة تكون تحت السيطرة ومضمونة كيما يقولو هوما . الاكفاء والشرفاء ماعادش يخليوهم يقربوا من مواقع القرار . المنظومة تمسخت برشة ، جاء وقت التنظيف ، البلاد ما عادش تتحمل دولة الشجاعة لازمها توقف سياسة الرداءة"