في تعليق على موقف الدولة التونسية من مقتل الصحفي جمال جاشقجي، قال النائب بمجلس نواب الشعب ياسين العياري إن"موقف الخارجية التونسي ضعيف و مخزي"! ودوّن العياري على صفحته الرسمية بموقع التواصل الاجتماعي فيس بوك "وزير الخارجية التونسي يدين الجريمة بعبارات أقل من التي إستعملها بن سلمان نفسه. وزير الخارجية التونسي يرحب بإجراء تحقيق! تحقيق راهو حاجة كبيرة تستحق الترحيب. وزير الخارجية متقلق على إستقرار السعودية ؟ ما دخلك!! تي ما خافوش عليه هوما إستقرارهم و عاملين عملة مشومة كيما هذه و خايف عليه جنابك؟ من المفروض في دولة حرة، تعبر الخارجية عن موقف و مشاعر المواطنين قالولك التوانسة قلقين على إستقرار بن سلمان؟ يا معلم، ياخي لتو الرئيس يخلص في أقساط السيارات المصفحة و إلا كيفاش؟ تي كي راد عليك ربي ماك أسكت! ملخر.. منظومة 2014، منظومة خارج العصر، خارج التاريخ و الجغرافيا، خارج المنطق..منظومة ماهيش متع ديبلوماسية، منظومة لاتليق بتونس الثورة، منظومة تصر على نكس رؤوسنا، في كل مكان، في الداخل و الخارج". ويذكر أن وزير الخارجية التونسية كان قد صرّح أن "تونس رحّبت بقرار السلطات السعودية فتح تحيق معمق في الحادثة وبتعهدها بمحاسبة المتورطين فيها'' مشددا على "ضرورة عدم استغلال القضية لاستهداف استقرار المملكة"