دعوات متعددة للتعقل والتهدئة وتطييب الخواطر والنفوس خصوصا في شهر الصيام المبارك على خاطر كل شيء تقال تعمل و تسمع و..و..و..و حان وقت الرزانة في ظل واقع اقليمي وعالمي متلاطم الأمواج ..وكيما قال الصديق العارف الزاهي اللي مع المآسي والأحداث المؤثرة وظروف الناس كان يمكن تعديل بعض البرامج و المنوعات باتجاه التضامن والتسامح والمحبة و الوحدة بعيدا عن الوشم و العضلات الفارغة والمؤامرات والعنف والتفوريخ والصنادق وثقافة التواكل والربح السريع في غياب برامج الكتاب والنقاش الفكري والثقافي والبرامج اللي تثقف الناس مش تجهلهم حتى يصبح الانسان كتلة من اللحم ورقم من الأرقام وضايع فيها وما يعرف كان آش ربحت وقداش ربح فلان ونشارك ونربح و ...وهات من هاك...البلاتوهات الصحيحة والصادقة والبرامج النافعة قليلة والباقي عياط وزياط والتراب أكثر م..الحفرة.