قبلْ كانوا يقولو سيدي رمضان شهر التسامح توة ولينا في تونس في سيدي رمضان نحكيو على التمساح متاع سي الفهري أكثر ملي نحكي على التسامح على كلّ حال الثورة في البلاد كشفت برشة تماسحْ وإذا رجعنا لتمساح سي الفهري في التونسية لازم نعرفو إلي البرنامج حسب راي الشخصي المتواضع يدخل في خانة البرامج إلي تسبب عافاكم الله في أمراض بوسفير والسكر والقلب ويا ريت كانت الضحكة تخرج من عند التونسي ببرنامج ما يعتمدش على الرعب والخوف ويعتمد على المواقف الطريفة والعفوية وردّة الفعل غير المنتظرة إن شاء الله رمضان الجايْ ما يجيبناش سي الفهري دينصورْ ويفدلك بيه على التوانسة