الإنتخابات البلدية مرارت ومصاطت وفقدت النكهة متاعها ….وخروها حتى وفات البردعة ومازالو يوخروا …ظاهرلي ماشي نطيحوا بالضربة القاضية وبجلطة وسكتة دماغية من 215 حزب في هالبلاد كيفهم كيف بلاش …الزوز الباقيين هوما الي يدوروا في الخاتم في صباعهم كيف ما يحبو ياجلوا …يسامحوا…..يوافقوا يتوافقوا …يقرروا وينفذوا …والبقية تعارك وتصيح وتتناطح ….يا سيدي والشعب وين ؟ الشعب لاهي بقطوسة الرماد وحبك درباني والعشق الاسود …ومهرجان قرطاج وفستان نجلاء وحصانها ….والادوات وعلوش العيد وكره كل شيء السياسة والسياسيون ومجلس اهانة الشعب ….همسة ليهم الكل ….نفس الحالة عاشتها تونس قبل ما يطير المخلوع فانتبهوا……………….