هذه تدوينة كتبتها ولية "فاض" صبرها شأن شأن العديد من الأولياء: "اليعقوبي يقول في المجلس" هاذوكم أولادنا" لا يا بابا أولادي موش أولادك أنا ولدت وتعبت وربيت وصرفت واستثمرت فيهم واليوم انت خرجتهم للشارع باش تلوي بيهم يد الحكومة، منين أولادك ، نجي اليوم نتعارك أنا وراجلي نقص الماكلة على أولادي ، منين أولادك يا سيّد، اليوم بنتي باكالوريا كي نشوفها كيفاش ضايعة وخايفة ونفسيتها متأزمة وحضرة جنابك انت وقتها تلوج كيفاش باش اطلع سقف شعبيتك بين الأساذة، اليوم كي بنتي الصغيرة تتمقعر على أساذتها وتقول في كلام ما ربيتهاش عليه لأنك كنت انت سبب يا سيّد في خروجها للشارع وأنا نخدم وبوها يخدم وما نيش عارفة شنوة السلوكات اللي حفظتهم في ذاكرتها في غياب رقيب ، منين أولادك يا سيّد وأنت تبثّ الفوضى أينما حللت ، منين أولادك يا سيّد وانت حتى واجبك المهني تجاهم ماكش تقوم بيه ، حذار فهم ليسوا أولادك ولم يكونوا يوما، الأسعد اليعقوبي لن يرحمك التاريخ، وسيذكر أنّك سببا في ضياع أولادنا"