بان بالكاشف اللي الأمم الأخرى في الغرب والهند والسند وما نعرفش وين...هربت بينا و برا قول اللي أحنا عنا حضارة وتاريخ وكل شيء...المشكلة موش هنا ..هوما يعرفوا آش يحبوا ووين ماشين وكيفاش وعلاش ووقتاش...وهكذا...وأحنا...داخلين عليها فرندسي والكذب والكلوخ والتفشفيش...والي يكلمك يقلك رانا عنا كيت وكيت وكيت وقداش من ألف سنا حضارة...ايه..والحضارة المطلوبة توا ونعني التحضر ويني...وينو حسن الخطاب والتقدير وقريان الحساب لكل حاجة والحوار العميق والنزيه والتعاون البعيد عن عقلية التكمبين وهذا مرق في هذا وفي بلاتو متاع ثلاث سوايع عياط وزياط ومن بعد حل الصرة تلقى خيط وما تلقى حتى ربع حكمة وفكرة جديدة تنفع الناس والبلاد.. هذي هي الدروشة بطم طميمها..والكلوخ بعينه والنفاق المفلق...ويا أمة ضحكت من جهلها الأمم...