_حبيبتي ...رح شوف شي قميص من قمصاني القديمة أعطيه للشب الناطور ببناية المكتب عندي.. _اي حبيبي ...شوفهم ...كلهم معلقين بالخزانة الصغيرة .. _رح آخذ هذا الزيتي المقلم أبيض _لاااا حبيبي...هذا كثير غالي على قلبي...هذا ال كنت لابسه اول مرة التقينا بسهرة عيد زواج مي و سميح ...ذكراه غالية كثير _طيب معك حق حبيبتي...معناها رح آخذ الكحلي الكارو ...هذا كثير صار ضيق عليي… _لاااا حبيبي...شو صارلك ...نسيت أن هذا القميص كنت لابسه يوم صارحتني بحبك و طلبت ايدي بالجنينة اول مرة ...كيف نسيان ...غريب أنت _صح صح ...اسف انا حبيبتي معناها ما في غير البني المنقط ... لاااا موووو معقول أنت لك شوووو شوووو كمان هاد نسيته نسيت صورتنا بالمشفى يوم ولدت بنتنا الكبيرة طيب أنت نسيت ...ليكها الصورة أدامك ...معلقة ع الحيط ...الحيط تذكرها و انت نسيتها _أنا ال مو طبيعي!!! أنت ال مو معقولة ...كلشي عندك مؤرشف و اله ذكرى انتي زوجة ولا روزنامة يلعن كلشي ساد صمت طويل بين الزوجين لم تقطعه سوى نشجات بكاء الزوجة المقهورة... ضمها الزوج بمحبة و حنية و هو يوشوش لها أطيب الكلمات ...و أغرقت دموعها قميصه الزهري الجديد ... و أضيف قميص جديد لقائمة الذكريات المخزنة في ذاكرتها ... ليست هي نكدية و لا هو مهمل الأمر فقط أنه يفكر بمنطق بينما هي تفكر بعاطفة و العاطفة أقدر على ربط الأحداث بالذكريات و الصور و الكلمات ..و حتى الالوان و الروائح
